:bism:
اول حاجه ربنا يخليك على الكلام الحلو اللى فى الاول ده
و بعدين انت يا باشا كل اللى عليك انى انت تسال و احنا نجاوب فى حدود المعرفه

بص يا سيدى ...... فى الفوركس فى نوعان من الحساب :
1- حساب وهمى
2- حساب حقيقى
الفرق بين الحساب الوهمى و الحساب الحقيقى هو مجرد انى الفلوس بتاجر بيها فلوس وهميه
( يعنى ارقام على الشاشه ) لكن باقى الاشياء حقيقيه يعنى مثلا الاسعار التى بتشوفها على الحساب الوهمى هى هى نفس الاسعار اللى موجوده فى الحساب الحقيقي و ايضا الشارت
و كل حاجه مطابقه للحساب الحقيقي ما عدا الفلوس

طيب بالنسبه للصفقات اللى احنا بنفتحها ديه ؟؟؟؟ هى كمان وهميه
بص اى بروكر (وسيط ) يكون عنده سيرفر للحسابات الوهميه و سيرفر اخر للحسابات الحقيقه
و كل الشغل اللى احنا بنعمله هيكون على السيرفر الخاص بالحسابات الوهميه

طبعا الغرض من الحساب الوهمى حاجتين :
1- انى المضارب يجرب برنامج الشركه اللى هايشتغل عليه قبل ما يفتح معاها حساب حقيقى فعليا
2- غرض تعليمى

طبعا فى الحساب الوهمى مش لازم دفع فلوس و لا حاجه لانى زى ماقلتلك العمليه وهميه
اما بالنسبه للحساب الحقيقى فطبعا لازم دفع فلوس و العمليه بتكون كالاتى :
فى كل شركه (بروكر) يوجد على موقعها نماذج لاستمارات مختلفه منها :
نموذج فتح حساب حقيقي و نموذج سحب الاموال ...... الخ
تقوم باخذ نموذج فتح حساب حقيقي و تملاه و تقوم طبعا بارساله الى البروكر اما عن طريق الفاكس او على الايميل
و طبعا لازم تكون فاتح حساب بنكى فى البلد الى انت فيها لكى تتمكن من تحويل الاموال
الى حسابك فى الشركه الوسيطه

يعنى بالمختصر تقوم بفتح حساب بنكى فى بلدك و حساب ايضا فى الشركه الوسيطه (البروكر)
و اذا اردت تحويل الاموال الى البروكر او سحبها منه يكون نقطه الوصل هو البنك فى البلد الذى تعيش فيه

بص حبيبى انت لك التحكم المطلق فى عمليات الشراء و البيع .... يعنى ممكن تخليها اليا او تقفلها انت بنفسك

ملحوظه : كل عمليه شراء يجب ان يقابلها عمليه بيع و بالمثل كل عمليه بيع يجب ان يقابلها عمليه شراء
فتح صفقه شراء ( يعنى اشتريت العمله ) >>>>>>> اكيد هتقفل صفقتك و الاقفال ده معناه ( بيع للعمله اللى انت اشتريتها قبل كده )
و بالمثل ايضا فتح صفقه بيع ( يعنى عمليه بيع للعمله ) >>>>>>> اكيد هتقفل صفقتك و الاقفال ده معناه ( شراء للعمله اللى انت بعتها قبل كده )

اوضحلك اكتر بمثال ........
العمله اللى هانشتغل عليها : GBP/JPY
السعر الحالى للعمله : 198.50
اذا كنت متوقع ارتفاع السعر مثلا الى 199.00
فممكن تقفل صفقتك بطريقتين :
الاولى : يدويا عن طريق انى انت تقعد ادام الشاشه متتحركش :36_1_37[1 لغايه لما السعر يوصل الى 199.00
و تقوم قافل الصفقه بنفسك
التانيه : اليا عن طريق وضع امر Take Profit عند سعر 199.00 و تقفل الجهاز و تسيبه .......
لما السعر يوصل عند 199.00 الصفقه هتتقفل اتوماتيك

ملحوظه : امر اغلاق الصفقه يسمى Close Position و تجيبه عن طريق الضغط على زر الماوس الايمن على الصفقه المفتوحه و تختار Close Position ..... هتظهرلك نافذة توجد بها كلمه
close position .... تدوس عليها و كده يبقى انت قفلت الصفقه
:::::::::: فتره الحساب الوهمى 30 يوم فقط ::::::::::::

انا اسف على الاطاله .... و لو فى اى حاجه برده لسه مش فاهمها .....
JUST ASK