السلام عليكم ورحمة الله وبركاته

احنا تحت الامر و الطلب ...... بس انت تأمر

نوضح بمثال عملى :
العمله التى سوف يتم التداول عليها : GBP/JPY
نلاحظ ان فرق النقاط بين سعر الشراء و البيع و هو ما يسمى بالسبريد = 8 نقاط على هذا الزوج
اى ان اذا كان سعر الشراء 199.08 .... يكون سعر البيع 199.00
السعر الحالى للعمله : 197.07
انا مثلا متوقع ارتفاع السعر ....... نقوم بفتح صفقه شراء
:::::::::: تابع الصور ::::::::::







1- خط على الشارت يوضح موضع الصفقه على الشارت و نوعها ( شراء ام بيع )
2- السعر الذى فتحت به الصفقه وهو 197.11( سعر الشراء )
عند فتح صفقه شراء .... يتم احتساب نقاط الربح و الخساره على اساس سعر البيع و ليس سعر الشراء يعنى عند 197.03
و ده اللى بيفسر الخساره الموجوده عند بدايه فتح اى صفقه و العكس بالنسبه لصفقه البيع
3- امر وقف الخساره : نشرحه شويه بالتفصيل ........ انت متوقع انى السعر يطلع و علشان كده فتحت صفقه شراء .......
طيب افرض انه بدل ما يطلع نزل الى اسفل ...... ساعتها نحط امر وقف الخساره S/L لكى نحمى الرصيد
وفى المثال ده اقل سعر ممكن تحطه لوقف الخساره يكون اقل من سعر البيع ب 5 نقاط ........ بص على الاسعار التاليه لوقف الخساره على اساس انى سعر البيع عند 197.03 :
197.02 امر وقف خساره خاطئ
197.00 امر وقف خساره خاطئ
196.98 امر وقف صحيح ....... ولو سعر ال S/L نزل عن كده برده يبقى صحيح لكن غير كده هيديلك Invalid S/L

4- امر جنى الارباح ( Take Profit ) : اذا كنت متوقع صعود السعر و فعلا ارتفع ...... لنقل مثلا ارتفع الى 197.50
ساعتها انت هتبقى عايز تقفل صفقتك بربح 47 نقطه و ديه ليها طريقتين :
الاولى : يدويا عن طريق انى انت تقعد ادام الشاشه لغايه لما يوصل السعر الى 197.50 و تقفلها بنفسك
التانيه : اليا عن طريق امر Take Profit و تحطه عند السعر اللى انت متوقعه و اللى هو 197.50
برده لازم امر جنى الارباح يبقى اعلى من سعر البيع ب 5 نقاط ....... اقل من كده مينفعش

بعد فتح الصفقه ......... قم بالضغط double click على S/L او T/P ...... و تابع الصورة ....





5- السعر الحالى للعمله و هو ( سعر البيع ) و اللى على اساسه يتم احتساب نقاط الربح و الخساره
6- المكسب و الخساره : انت فتحت الصفقه على سعر 197.11 و لو حسبنا نقاط الربح و الخساره فى بدايه الصفقه نلاقيها 8 نقاط خساره
حيث ان سعر البيع كان 197.03
و علشان ربحك يبقى 0 يعنى و لا كسبت و لا خسرت لازم السعر ( سعر البيع ) يوصل الى 197.11

تابع الصوره الاخيره للصفقه



مع ملاحظه انى المثال ده على زوج GBP/JPY .... اكثر ازواج العمله جنونا
فقد ارتفع 7 نقاط فى مده لا تتجاوز ال 15 دقيقه ........ مع العلم ان حركه هذا الزوج اليوم بطيئه
و معدل حركه هذا الزوج يوميا تتراوح بين 100 الى 250 نقطه

طبعا طريقه التعامل فى فتح اى صفقه يكون قبلها و بعدها .......
بمعنى انى قبل فتح اى صفقه لازم تحلل السوق و تاخد و قتك فى دراسه حركه سعر العمله و ده دور التحليل التقنى و بعد فتح الصفقه لازم طبعا متابعه لحركه السعر حيث انه هناك اخبار اقتصاديه من الممكن انى هى تقلب المكسب الى خساره و ده دور التحليل الاساسى .
و ديه هتبقى المرحله الجايه باذن الله ...... ( معرفه امتى تبيع و امتى تشترى )

----------------------------------------------------------------------------

يا زعيم ....... اسأل و ميهمكش
المضاربه فى البورصه بعيده كل البعد عن الايجولد
الاستخدام انا قلته فى شرحى للاخ fared وهو انى المضارب يقوم بفتح حساب بنكى فى بلده اولا ....... ثم يقوم بفتح حساب لدى الشركه الوسيطه ( Broker ) و عمليه نقل الاموال تتم من حسابك البنكى الذى فى بلدك الى حسابك فى الشركه الوسيطه او العكس

اتمنى انى انا اكون وفقت فى توصيل المعلومه